Мой народ вынішчала вайна

Успаміны блукаюць над хатамі,
Над пагостам плыве цішыня.
Пяць гадоў непамернымі стратамі
Мой народ вынішчала вайна.

Успамінамі сэрцы хай поўняцца,
Перамога жыццё нам дала.
Да нябёсаў народ шчыра моліцца,
Каб без войнаў краіна жыла.

Прыпеў:
Туманы праплываюць над рэкамі,
І тужліва маўчыць вышыня.
Невыносна смяротнымі бедамі
Мой народ паланіала вайна…

Навакол Абеліскаў пад зоркамі,
На траве слёзы кропляй расы,
Ды за рэчкай - мяжой пад аблокамі
Новых войнаў чутны галасы.

Я малюся Святымі малітвамі,
Ад вайны, Божа, нас зберажы.
Час імкне міжусобнымі бітвамі,
Пад напругай трымцяць рубяжы.

Прыпеў: